မိုက်ဇာတ်သာ ဆက်ခင်းရုံမှတစ်ပါး လမ်းဆုံးနေသော စစ်တပ်
မင်းအောင်လှိုင်ဦးဆောင်သော အကြမ်းဖက်စစ်တပ်သည် ပြည်သူလူထုကို ကာကွယ်စောင့်ရှောက်ရမည့်အစားကျေးလက်လူနေအိမ်ကျေးရွာများကို မီးရှို့ခြင်း၊ ပြည်သူများအား ဖမ်းဆီးနှိပ်စက်ခြင်းများကို ထင်ထင်ရှားရှား ကျူးလွန်လာနေသည်။
လူနေအိမ်ကျေးရွာများကို ကာကွယ်မည့် အကြမ်းဖက်စစ်တပ်က ပြန်လည် မီးရှို့ဖျက်ဆီးနေပုံ |
အကြမ်းဖက်စစ်ကောင်စီကို တော်လှန်တိုက်ခိုက်နေသော ကျေးလက်ကို ဖိကာ နှိမ်နင်းပြလျှင် ပြည်သူလူထုသည် PDF-ပြည်သူ့ကာကွယ်ရေးတပ်ဖွဲ့များကို ထောက်ပံ့နိုင်ခြင်းမရှိတော့ဘဲ ရေရှည်တွင် ၎င်တို့ အကြမ်းဖက်စစ်ကောင်စီသာ မြန်မာပြည်၏ အစိုးရအဖြစ် လူတိုင်းလက်ခံလာနိုင်မည်ဟု ယုံကြည်ထားသောကြောင့်ဖြစ်သည်။
နောက်တစ်ဆင့်တွင်လည်း PDF- ပြည်သူ့ကာကွယ်ရေးတပ်ဖွဲ့များ ရှိ၍သာ ကျေးရွာများကို မီးရှို့ခြင်း၊ စစ်မက်ဖြစ်ပွါးခြင်းမရှိဘဲ လူနေအိမ်ကျေးရွာများကို လေယာဥ်များဖြင့် ပစ်ခတ်ခြင်း စသည်ဖြင့် လူထုကို သတင်းစကားဖြန့်စေသည်။
PDF များကြောင့် ကျေးရွာများ မီးရှို့ခြင်း၊ လေယာဥ်နှင့်ပစ်ခတ်ခြင်း၊ ပြည်သူများအားဓားစာခံဖမ်းဆီး နှိပ်စက်သတ်ဖြတ်ခြင်းများ ကို အကြမ်းဖက်စစ်တပ်က လုပ်ဆောင်သည်ဟု ပြည်သူလူထုအမြင်တွင် ထင်မြင်လာစေကာ PDFနှင့် ပြည်သူကို သွေးခွဲခြင်းလည်းဖြစ်သည်။
လူနေအိမ်ကျေးရွာများကို လေယာဥ်နှင့်ဗုံးကြဲ ပစ်ခတ်နေသည့် အကြမ်းဖက်စစ်တပ်လေယာဥ်များ |
နောက်တွင်လည်း ကျေးလက်လူနေအိမ်ကျေးရွာများကို ၎င်းတို့စစ်တပ်သည်သာ မီးရှို့ခြင်း၊ ပြည်သူများအား ဖမ်းဆီးနှိပ်စက် သတ်ဖြတ်ခြင်းများကို ၎င်းတို့ အကြမ်းဖက်စစ်တပ်က ပြောင်ပြောင်တင်းတင်း လုပ်ဆောင်သော်ငြား PDF - ပြည်သူ့ကာကွယ်ရေးတပ်ဖွဲ့များကသာ လုပ်ဆောင်သည်ဟု ၎င်းတို့သတင်းမီဒီယာများတွင် ကြေငြာမောင်းတီးကာ လူထုနှင့် နိုင်ငံတကာကို ဆန့်ကျင်ဘက်သတင်းများ ဖြန့်သည်။
၎င်းတို့ အကြမ်းဖက်စစ်တပ်က မည်သို့ပင် မင်းသားခေါင်းဆောင်ပါစေ တိုင်းပြည်ကို ချနင်းကာ အာဏာကိုယ်ကျိုးအတွက် ဘယ်လိုယုတ်မာမှုကို မဆို လုပ်ဖို့ လက်မရွံ့သည့် လူယုတ်မာများဖြစ်မှန်း ၎င်းတို့၏လုပ်ရပ်များက သက်သေပြနေပေသည်။
၎င်းတို့ အကြမ်းဖက်စစ်တပ်ကို တော်လှန်တိုက်ခိုက်နေသေ PDF- ပြည်သူ့ကာကွယ်ရေးတပ်ဖွဲ့များကိုသာ ပြည်သူမျာက ထောက်ခံအားပေးကာ အကြမ်းဖက်စစ်တပ်နှင့် သမိုင်းအဆက်ဆက် နိုင်ငံကို စစ်တပ်ပိုင် လုပ်လိုသော အာဏာရူးများကို အမြစ်ဖြတ်ကာ အပြီးအပိုင် မြေလှန်ပစ်လိုနေကြသည်မှာ မြန်မာပြည်သူပြည်သားတိုင်း၏ ရည်မှန်းချက်လည်းဖြစ်သည်။
ပြည်သူကို ကာကွယ်မယ့်အစား ပြန်လည်သတ်ဖြတ်နေသည့် အကြမ်းဖက် စစ်တပ် |
၂၀၂၀ရွေးကောက်ပွဲကို မသမာမှုအကြောင်းပြကာ တိုင်းပြည်အာဏာကို လုယူခဲ့သော မင်းအောင်လှိုင်ဦးဆောင်သည့် အကြမ်းဖက်စစ်တပ်သည် ယုတ်မာမှုကို ကမ်းကုန်အောင် ကျူးလွန်နေသည်မှာ သိသာလှသည်။
PDF-ပြည်သူ့ကာကွယ်ရေးတပ်ဖွဲ့များနှင့် ပြည်သူများသည်သာ အကြမ်းဖက်စစ်တပ်၏ သွေးခွဲဖျက်ဆီးမှုများကို ကြံ့ကြံ့ခံရင်ဆိုင်နိုင်ကာ လက်တွဲမဖြုတ် ညီညွတ်စွာ တောင့်ခံနိုင်ပါက အကြမ်းဖက်စစ်တပ်အတွက် မြန်မာ့မြေသည် ခြေချစရာတောင်ကျန်မည် မဟုတော့ပေ။
တက်လှိုင်း (မင်းကင်း)
Comments
Post a Comment