PDF များသည်လက်နက်ကိုင်ထားသည် မှန်သော်လည်း အကြမ်းဖက်စစ်တပ်နှင့် ပတ်သက်ဆက်နွယ်မှုမရှိလျှင် ကြောက်ရမည့်အဖွဲ့အစည်းမဟုတ်ပေ....
ပြည်သူ့ကာကွယ်ရေးတပ်ဖွဲ့ PDF များသည်လက်နက်ကိုင်ထားသည် မှန်သော်လည်း အကြမ်းဖက်စစ်တပ်နှင့် ပတ်သက်ဆက်နွယ်မှုမရှိလျှင် ကြောက်ရမည့်အဖွဲ့အစည်းမဟုတ်ပေ။ စစ်အာဏာရူး အကြမ်းဖက် မိစ္ဆာများကို လက်နက်ကိုင်ကာ ပြန်လည်ခုခံတော်လှန်နေခြင်းသာဖြစ်သည်။
အကြမ်းဖက်စစ်တပ်သည် ဆိုးဝါးယုတ်မာကြောင်း၊ လူမဆန်အောင် ရက်စက်ကြောင်း အများအသိဖြစ်သည်။
ပြည်သူ့တော်လှန်ရေးတပ်ဖွဲ့များ၏ အင်အားကြီးထွားလာမှုနှင့် ပြန်လည်ထိုးစစ်ကို မနိုင်နိုင်ရကား ကြွက်မနိုင် ကျီမီးရှို့ခြင်း လူနေအိမ်ကျေးရွာများကို စစ်ရေးပစ်မှတ်ထားကာ တိုက်ခိုက်ဖျက်ဆီးမီးရှို့ခြင်း၊ ပြည်သူများအား ရက်စက်စွာ နှိပ်စက်သတ်ဖြတ်ခြင်း၊ တိုက်လေယာဥ်များနှင့် ဗုံးများကြဲချခြင်းများအထိပါ စစ်ရာဇဝတ်မှုများ ပြောင်ပြောင်တင်းတင်း ကျူးလွန်လာနေသည်။
နိုင်ငံနှင့်အဝန်း အကြမ်းဖက်စစ်ကောင်စီ၏ လူမဆန်အောင် နှိပ်စက် ဖျက်ဆီးယုတ်မာခံနေရချိန်တွင် သစ္စာဖောက် လောက်ကောင်ပျူစောထီးများအားကောင်းရာ မင်းကင်းနယ်လည်း အပါအဝင်ဖြစ်သည်။
၎င်းပျူစောထီးဆိုသူများသည် အရင်က ကြံဖွတ်ပါတီဝင်ဆိုသူများ၊ မဘသ ခေါ် ဗုဒ္ဓဘာသာဝင် ဘာသာရေးအစွန်းရောက်များသည် အကြမ်းဖက်စစ်တပ်၏ အနိုင်ကျင့်ဗိုလ်ကျ ယုတ်မာမှုများကို ထဲထဲဝင်ဝင် ထောက်ခံကာ ပူးပေါင်းပါဝင်နေသော ပြည်သူ့သစ္စာဖောက်များသာဖြစ်သည်။
ကြံ့ခိုင်ရေးပါတီအားကောင်းခဲ့ပြီး ကြံ့ဖွတ်မောင်မြင့်၏ ဘာသာရေးမှိုင်းတိုက်မဲဆွယ်မှုများကြောင့်ပင် အမျိုးဘာသာကို ကာကွယ်စောင့်ရှောက်နေပါသည်ဆိုသည့် ဂျင်းကို ထိုးကျွေးကာ စည်းရုံးများကြောင့်ပင် ဖြစ်သည်။ ထို့ကြောင့် အကြမ်းဖက်စစ်တပ်ကို ခုခံတော်လှန်နေသော ပြည်သူ့ကာကွယ်ရေးတပ်ဖွဲ့များအဖို့ လက်အောက်ခံပျူစောထီးဆိုသူများကိုပါ ဆန့်ကျင်တော်လှန်နေရသည်။
Comments
Post a Comment